അകത്താര് ചൊല്ലൂ
മരവിചെങ്കിലും ഉടലിന്‍ നാവുകള്‍ ഉഴറിച്ചോദിപ്പൂ
അകത്താര് ചൊല്ലൂ
മരവിചെങ്കിലും ഉടലിന്‍ നാവുകള്‍ ഉഴറിച്ചോദിപ്പൂ
ചുവടൊലിച്ചൊരുമഹാഗിരി കാന്തച്ചരടുകള്‍
പൊട്ടിപ്പൊഴിഞ്ഞ താരകം
ചുവടൊലിച്ചൊരുമഹാഗിരി കാന്തച്ചരടുകള്‍
പൊട്ടിപ്പൊഴിഞ്ഞ താരകം
തിരിയെരിഞ്ഞിട്ടും തെളിയാത്ത ദീപം
മുഴുഭ്രാന്തന്‍ കാറ്റില്‍ ഉലഞ്ഞൊട്ടും സഞ്ചി
സുഗന്ധസൌവ്വര്‍ണ്ണകവച്ചമിട്ടാലും
കരളില്‍ മുള്‍മുന നിണംചോര്‍ത്തിചോര്‍ത്തി
ഇളതന്‍ പാഴ്നിഴല്‍കഷണമായോരു
വിമൂഢദേഹത്തിന്‍ വരണ്ട നാവുകള്‍
കതകിന്നു മുട്ടി കരഞ്ഞു ചോദിപ്പൂ
വിമൂഢദേഹത്തിന്‍ വരണ്ട നാവുകള്‍
കതകിന്നു മുട്ടി കരഞ്ഞു ചോദിപ്പൂ
അകത്താര് അമ്പലപ്പടിക്കകത്താര്
പുറത്താര് തേങ്ങല്‍ക്കണങ്ങളിറ്റി
അങ്ങകത്തുനിന്നാരോ ഞരങ്ങിക്കേള്‍ക്കുന്നു
പുറത്താര് തേങ്ങല്‍ക്കണങ്ങളിറ്റി
അങ്ങകത്തുനിന്നാരോ ഞരങ്ങിക്കേള്‍ക്കുന്നു
പൊളിഞ്ഞ പീടത്തിന്‍ചുവട്ടില്‍
ഈര്‍ച്ചവാള്‍മുനകളില്‍
കട്ടിയിരുള്‍ത്തലകളില്‍ പിടഞ്ഞും
പിന്നെയുമമര്‍ന്നുനീറിയും
പൊളിഞ്ഞ പീടത്തിന്‍ചുവട്ടില്‍
ഈര്‍ച്ചവാള്‍മുനകളില്‍
കട്ടിയിരുള്‍ത്തലകളില്‍ പിടഞ്ഞും
പിന്നെയുമമര്‍ന്നുനീറിയും
വിശപ്പിന്‍കരങ്ങളില്‍ വിലങ്ങുപേറിയും
അണുവിന്നുള്ളിലും വിഷജ്ജ്വരംനീറി
ഉയരും വായുവിന്‍ ഉയിര് ചോര്‍ത്തിയും
ഉയരെ താഴെയും വശങ്ങളും കെട്ടിയടച്ച്
ശ്രീകോവില്‍ ചുമരിന്നുള്ളില്‍ നിന്ന്
ഒരു ചിലന്തിതന്‍ വലപൊട്ടുംപോലെ
ഉറഞ്ഞ നോവിന്‍റെ ഹിമാബഷ്പംപോലെ
ഒരു ചിലന്തിതന്‍ വലപൊട്ടുംപോലെ
ഉറഞ്ഞ നോവിന്‍റെ ഹിമാബഷ്പംപോലെ
അകത്തെ ദേവത ഞരങ്ങി ചോദിപ്പൂ
പുറത്താര് അമ്പലപ്പുറത്തു നില്‍പ്പതാര്
തുറക്കുമോ വാതില്‍ ഒരിക്കല്‍മാത്രം
ഈയെനിക്കുവേണ്ടി ഇന്നൊരിക്കലെങ്കിലും
ഈയെനിക്കുവേണ്ടി ഇന്നൊരിക്കലെങ്കിലും
ചിലക്കുമൊച്ചയില്‍ വിളിച്ചു കേഴുന്നുണ്ട്
ഉടലിന്‍ നാവുകള്‍ വെളിയിലപ്പോഴും
പടിവാതില്‍ താഴിട്ടടച്ചതാരാവോ
പടിവാതില്‍ താഴിട്ടടച്ചതാരാവോ
അകത്തുനിന്നാണോ പുറത്തുനിന്നാണോ
0 comments:
Post a Comment