നില്‍ക്ക
പോകാന്‍ വരട്ടെ നാമെന്തിനായ്‌
അക്കഥകളില്‍ ചിക്കിചികയണം
വല്ല സത്യവും ഞാന്‍ പറഞ്ഞാല്‍ അതില്‍
തുള്ളി നിങ്ങള്‍ അലറുന്നതെന്തിനോ
നിലക്ക പോകാന്‍ വരട്ടെ നാമെന്തിനായ്‌
അക്കഥകളില്‍ ചിക്കിചികയണം
വല്ല സത്യവും ഞാന്‍ പറഞ്ഞാല്‍ അതില്‍
തുള്ളി നിങ്ങളലറുന്നതെന്തിനോ
ശാന്തിതന്‍ മഹാ സന്ദേശവാഹിയാം
ഗാന്ധിഷിശ്യാ പിണങ്ങി മാറുന്നുവോ
ഗാന്ധിതന്‍ മഹാ സന്ദേശവാഹിയാം
ഗാന്ധിഷിശ്യാ പിണങ്ങി മാറുന്നുവോ
നന്നുനന്ദിത്തൊഴില്‍ അതേഗാന്ധിജിക്ക്‌
ഇന്നുചിതമാം സ്മാരകം തീര്‍ക്കണം
നന്നുനന്ദിത്തൊഴില്‍ അതേഗാന്ധിജിക്ക്‌
ഇന്നുചിതമാം സ്മാരകം തീര്‍ക്കണം
ഇങ്ങ് രാപ്പകലില്ലാതവിശ്രമം
നിങ്ങളോടിനടന്നലയുന്നുവോ
ഇങ്ങ് രാപ്പകലില്ലാതവിശ്രമം
നിങ്ങളോടിനടന്നലയുന്നുവോ
സത്യമാവാം ലഭിച്ചിരിക്കാം ഭവാന്
ഒട്ടുപേര്‍തന്‍ നിറപ്പണസഞ്ചികള്‍
സത്യമാവാം ലഭിച്ചിരിക്കാം ഭവാന്
ഒട്ടുപേര്‍തന്‍ നിറപ്പണസഞ്ചികള്‍
കുത്തകമുതലാളിത്തമങ്ങനെ
ദത്തെടുത്തേക്കുമാ മഹാത്മാവിനെ
കുത്തകമുതലാളിത്തമങ്ങനെ
ദത്തെടുത്തേക്കുമാ മഹാത്മാവിനെ
നമ്മള്‍ കണ്ടു യുഗങ്ങള്‍ വളര്‍ത്തിയ
നന്മകള്‍തന്‍ മുതലെടുത്തോരവര്‍
നമ്മള്‍ കണ്ടു യുഗങ്ങള്‍ വളര്‍ത്തിയ
നന്മകള്‍തന്‍ മുതലെടുത്തോരവര്‍
നിര്‍ധനര്‍ക്കായി മാത്രം പൊരുതിയ
നിത്യസത്യപ്രവാചകന്‍ ഗാന്ധിജി
മര്‍ദ്ദകരുടെ കീഴില്‍നിന്നിന്ത്യയെ
മുക്തയാക്കിയ ധര്‍മഭടാഗ്നിമന്‍
വിശ്വശാശ്വത പ്രേമമൂല്യങ്ങളെ
വിസ്മരിക്കാത്ത ജീവിതഗായകന്‍
എന്തിനായി ഞാന്‍ നിങ്ങളോടാ വിശ്വ
ചിന്തകന്റെ കഥകള്‍ പറയണം
എന്തിനായി ഞാന്‍ നിങ്ങളോടാ വിശ്വ
ചിന്തകന്റെ കഥകള്‍ പറയണം
നിങ്ങളാ മഹാത്മാവിന്റെ ശിഷ്യനാണ്
നിങ്ങള്‍ മഹാത്മാവിന്റെ ശിഷ്യനാണ്
അങ്ങനെ നാം തുല്യരാണിപ്പഴും
മണ്ണിലെന്നും ഒരുക്കണം ഗാന്ധിതന്‍
മംഗളസമാരകങ്ങള്‍ ഉചിതമായ്‌
മണ്ണിലെന്നും ഒരുക്കണം ഗാന്ധിതന്‍
മംഗളസമാരകങ്ങള്‍ ഉചിതമായ്‌
ഒന്നെനിക്ക് മനസിലായില്ല
ഒന്നെനിക്ക് മനസിലായില്ല
അതിന്നെന്തിനാണീ പണപ്പിരിവൊക്കെയും
ഒന്നെനിക്ക് മനസിലായില്ലതി-
ന്നെന്തിനാണീ പണപ്പിരിവൊക്കെയും
നാണയവ്യവസ്ഥക്കുമൊട്ടപ്പുറത്താണ്
അതിന്‍റെ വിശാലമാം മണ്ഡലം
നാണയവ്യവസ്ഥക്കുമൊട്ടപ്പുറത്താണ്
അതിന്‍റെ വിശാലമാം മണ്ഡലം
പൊന്‍പ്രതിമകള്‍ക്കുള്ളിലൊതുങ്ങുമോ
കര്‍മശക്തിതന്‍ വ്യാപക ചിന്തകള്‍
പൊന്‍പ്രതിമകള്‍ക്കുള്ളിലൊതുങ്ങുമോ
കര്‍മശക്തിതന്‍ വ്യാപക ചിന്തകള്‍
ഇന്ന് നിങ്ങള്ക്ക് വന്‍പണസഞ്ചികള്‍
തന്നവരുടെ ലിസ്റ്റൊന്നെടുക്കുമോ
ഇന്ന് നിങ്ങള്ക്ക് വന്‍പണസഞ്ചികള്‍
തന്നവരുടെ ലിസ്റ്റൊന്നെടുക്കുമോ
വന്നതാണവര്‍ ഇന്നലെത്തോക്കുമായ്‌
കൊന്നുമൂടുവാന്‍ ആ മഹാത്മാവിനെ
അമ്പലങ്ങള്‍ പണിഞ്ഞതില്‍ നാഥന്‍റെ
പൊന്‍പ്രതിമകള്‍ പൂവിട്ടു വയ്ക്കുകില്‍
അമ്പലങ്ങള്‍ പണിഞ്ഞതില്‍ നാഥന്‍റെ
പൊന്‍പ്രതിമകള്‍ പൂവിട്ടു വയ്ക്കുകില്‍
ഇന്നലത്തെ കൊലയാളികള്‍ അതിന്‍
പിന്നിലെത്തും നിറത്തോക്കുമായിനി
ഇന്നലത്തെ കൊലയാളികള്‍ അതിന്‍
പിന്നിലെത്തും നിറത്തോക്കുമായിനി
വേണ്ട സോദര ദൂരെക്കെറിയുകീ
നീണ്ട ഗാന്ധിജിസ്മാരക ലിസ്റ്റുകള്‍
വേണ്ട സോദര ദൂരെക്കെറിയുകീ
നീണ്ട ഗാന്ധിജിസ്മാരക ലിസ്റ്റുകള്‍
പോരിക നമുക്കീനാട്ടിലൊക്കെയും
സമാരകങ്ങള്‍ ശരിക്കൊരുക്കാമിനി
പോരിക നമുക്കീനാട്ടിലൊക്കെയും
സമാരകങ്ങള്‍ ശരിക്കൊരുക്കാമിനി
ചോരയാറുകള്‍ സൃഷ്ടിക്കയാണതാ
സോദരര്‍തന്‍ കെടുമതപ്പോരുകള്‍
ചോരയാറുകള്‍ സൃഷ്ടിക്കയാണതാ
സോദരര്‍തന്‍ കെടുമതപ്പോരുകള്‍
നാമവിടെക്കുചെല്ലുക ജീവിത
പ്രേമസന്ദേശ വാഹകരായിനി
നാമവിടെക്കുചെല്ലുക ജീവിത
പ്രേമസന്ദേശ വാഹകരായിനി
നാണമില്ലാതെ മോങ്ങട്ടെ ചൂഴവും
പൂണുനൂലിന്റെ ശപ്തവൈതാളികര്‍
നാണമില്ലാതെ മോങ്ങട്ടെ ചൂഴവും
പൂണുനൂലിന്റെ ശപ്തവൈതാളികര്‍
ഒത്തുചേര്‍ന്ന് നമുക്ക് സൃഷ്ടിക്കണം
മര്‍ത്യതയുടെ മംഗളസമാരകം
ഒത്തുചേര്‍ന്ന് നമുക്ക് സൃഷ്ടിക്കണം
മര്‍ത്യതയുടെ മംഗളസമാരകം
വര്‍ഗവര്‍ണരഹിതമാം ജീവിതസ്വര്‍ഗ്ഗം
ആ മഹാത്മാവിന്റെ പെരിലായ്‌
വര്‍ഗവര്‍ണരഹിതമാം ജീവിതസ്വര്‍ഗ്ഗം
ആ മഹാത്മാവിന്റെ പെരിലായ്‌
മുന്നിലെക്കൊന്നിറങ്ങുക സോദര
സുന്ദരമായൊരേകലോകത്തിനായ്‌
എങ്കില്‍ മാത്രമേ ഗാന്ധിജിസ്മാരക
മഹല്‍ക്കര്‍മ്മം ശരിപ്പെടൂ
മുന്നിലെക്കൊന്നിറങ്ങുക സോദര
സുന്ദരമായ ഒരേകലോകത്തിനായ്‌
എങ്കില്‍ മാത്രമേ ഗാന്ധിജിസ്മാരക
മംഗളമസല്‍ക്കര്‍മ്മം ശരിപ്പെടൂ
0 comments:
Post a Comment