കടല്‍മുങ്ങി കാലം കറുത്ത് വെളുക്കുമ്പോള്‍
കരയിലിരിക്കുന്നു മായിയമ്മ
കടലുകള്‍ കാഞ്ഞു ചുവന്നു കറുക്കുമ്പോള്‍
കരയേറെക്കവിയുന്നു മായിയമ്മ
കടല്‍മുങ്ങി കാലം കറുത്ത് വെളുക്കുമ്പോള്‍
കരയിലിരിക്കുന്നു മായിയമ്മ
കടലുകള്‍ കാഞ്ഞു ചുവന്നു കറുക്കുമ്പോള്‍
കരയേറെക്കവിയുന്നു മായിയമ്മ
കരയുന്നില്ല ചിരിക്കുന്നില്ല
കടലാളും കണ്ണുള്ള മായിയമ്മ
കരയുന്നില്ല ചിരിക്കുന്നില്ല
കടലാളും കണ്ണുള്ള മായിയമ്മ
കനവ് ചിക്കുന്നില്ല കഥകളോര്‍ക്കുന്നില്ല
കടലാഴം കരളുള്ള മായിയമ്മ
കനവ് ചിക്കുന്നില്ല കഥകളോര്‍ക്കുന്നില്ല
കടലാഴം കരളുള്ള മായിയമ്മ
ആരോ കല്ലിലടിച്ചൊരു
താമരത്താരാണെന്ന് പറഞ്ഞേക്കാം
ആരോ കല്ലിലടിച്ചൊരു
താമരത്താരാണെന്ന് പറഞ്ഞേക്കാം
തീരാചെയ്‌വന ചേതംകൂട്ടിയ
നാരിയായ് നാളേക്കുറിചേക്കാം
തീരാചെയ്‌വന ചേതംകൂട്ടിയ
നാരിയായ് നാളേക്കുറിചേക്കാം
എല്ലാമുള്ളവള്‍ എല്ലാരുമുല്ലവള്‍
കൊല്ലാക്കാലം കടിച്ചെറിഞ്ഞോള്‍
എല്ലാമുള്ളവള്‍ എല്ലാരുമുല്ലവള്‍
കൊല്ലാക്കാലം കടിച്ചെറിഞ്ഞോള്‍
പുണ്യവും പാപവും നിര്‍വ്വാണത്തിര
എണ്ണാന്‍ മുങ്ങിയലക്കുമ്പോള്‍
പുണ്യവും പാപവും നിര്‍വ്വാണത്തിര
എണ്ണാന്‍ മുങ്ങിയലക്കുമ്പോള്‍
മണ്ണിന്നുപ്പ്കുറുക്കാന്‍ തുള്ളികള്‍
തന്നെത്തുലച്ചു വിയര്‍ക്കുമ്പോള്‍
മണ്ണിന്നുപ്പ്കുറുക്കാന്‍ തുള്ളികള്‍
തന്നെത്തുലച്ചു വിയര്‍ക്കുമ്പോള്‍
വേദം മുറിയുന്ന നാവുകളില്‍
ദാഹക്ലെതം പൊട്ടിയോലിക്കുമ്പോള്‍
വേദം മുറിയുന്ന നാവുകളില്‍
ദാഹക്ലെതം പൊട്ടിയോലിക്കുമ്പോള്‍
ഓരോതുള്ളിവിട്ടോരോതുള്ളിയായ്‌
ജീവന്റെയക്ഷരം മായുമ്പോള്‍
ഓരോതുള്ളിവിട്ടോരോതുള്ളിയായ്‌
ജീവന്റെയക്ഷരം മായുമ്പോള്‍
വെയിലും നിലാവും വെള്ലായം കൊള്ളുന്ന
ചിടയില്‍ ചിരിക്കുന്നു കൈലാസം
കാലമളക്കുവാന്‍ കാലേ നീട്ടിയ
കാലില്‍ മുത്തുന്നു മൂവോളം
വെയിലും നിലാവും വെള്ലായം കൊള്ളുന്ന
ചിടയില്‍ ചിരിക്കുന്നു കൈലാസം
കാലമളക്കുവാന്‍ കാലേ നീട്ടിയ
കാലില്‍ മുത്തുന്നു മൂവോളം
കാശി രാമെശ്വരമോടിയെത്തുന്നതാം
കാവടിക്കാറ്റുകളാടിയാലും
കാശി രാമെശ്വരമോടിയെത്തുന്നതാം
കാവടിക്കാറ്റുകളാടിയാലും
മുടിയിലും മാറിലും തീയാളുന്നൊരാ
മടവയര്‍ പാണ്ടിക്ക് തുള്ളിയാലും
മുടിയിലും മാറിലും തീയാളുന്നൊരാ
മടവയര്‍ പാണ്ടിക്ക് തുള്ളിയാലും
കണ്ണെങ്ങുമില്ലാതെ കാതെങ്ങുമോര്‍ക്കാതെ
കല്ലായിരിക്കുന്നു മായിയമ്മ
കണ്ണെങ്ങുമില്ലാതെ കാതെങ്ങുമോര്‍ക്കാതെ
കല്ലായിരിക്കുന്നു മായിയമ്മ
ശംഖും പാശിയും വില്‍ക്കുന്ന പൈതങ്ങള്‍
തങ്ങളില്‍ത്തല്ലിത്തലോടുമ്പോള്‍
ശംഖും പാശിയും വില്‍ക്കുന്ന പൈതങ്ങള്‍
തങ്ങളില്‍ത്തല്ലിത്തലോടുമ്പോള്‍
കോവിലും പള്ളിയും കൊയ്മക്ക് തങ്ങളില്‍
കമ്പം നടത്തിക്കയര്‍ക്കുമ്പോള്‍
കോവിലും പള്ളിയും കൊയ്മക്ക് തങ്ങളില്‍
കമ്പം നടത്തിക്കയര്‍ക്കുമ്പോള്‍
കന്നിയോരുത്തി തന്‍ കൈപ്പിള്ളക്കിത്തിരി
കഞ്ഞിത്തെളിതെടി ചുറ്റുമ്പോള്‍
കന്നിയോരുത്തി തന്‍ കൈപ്പിള്ളക്കിത്തിരി
കഞ്ഞിത്തെളിതേടി ചുറ്റുമ്പോള്‍
രാധാകൃഷ്ണസങ്കീര്‍ത്തനം തീരത്ത്
രാസലീലക്ക് നടക്കുമ്പോള്‍
രാധാകൃഷ്ണസങ്കീര്‍ത്തനം തീരത്ത്
രാസലീലക്ക് നടക്കുമ്പോള്‍
മേനിയില്‍ വാടും കൊഴുന്നിനും
കയ്യിലെ മാലക്കുമൊപ്പം വിലപേശി
മേനിയില്‍ വാടും കൊഴുന്നിനും
കയ്യിലെ മാലക്കുമൊപ്പം വിലപേശി
കയ്യില്‍ കിട്ടിയ ചില്ലിയുംകൊണ്ടൊരു
കോലംകെട്ട കുരുന്നു പെണ്ണ്
ചാരത്തു വന്നു തിരക്കുന്നമ്മക്ക്
ചോറോ കഞ്ഞിയോ ശാപ്പാട്
ചാരത്തു വന്നു തിരക്കുന്നമ്മക്ക്
ചോറോ കഞ്ഞിയോ ശാപ്പാട്
ചുണ്ടില്‍ ചലിക്കാതെ ചിന്തയില്‍ കായാതെ
ചുമ്മാതിരിക്കുന്നു മായിയമ്മ
ചുണ്ടില്‍ ചലിക്കാതെ ചിന്തയില്‍ കായാതെ
ചുമ്മാതിരിക്കുന്നു മായിയമ്മ
എപ്പോഴുമമ്മയെ ചുറ്റിനടക്കുന്നു
നായ്ക്കോലം കൊണ്ട നാലുമക്കള്‍
എപ്പോഴുമമ്മയെ ചുറ്റിനടക്കുന്നു
നായ്ക്കോലം കൊണ്ട നാലുമക്കള്‍
ആകാശങ്ങള്‍ പറയുന്നവര്‍ അമ്മക്ക്
അന്നം കൊണ്ട് കൊടുക്കുമത്രേ
ആകാശങ്ങള്‍ പറന്നവര്‍ അമ്മക്ക്
അന്നം കൊണ്ട് കൊടുക്കുമത്രേ
രാവില്‍ താരകള്‍ തീരത്തിരകളില്‍
തേവാരപ്പദം പാടുമത്രേ
രാവില്‍ താരകള്‍ തീരത്തിരകളില്‍
തേവാരപ്പദം പാടുമത്രേ
എങ്ങും തങ്ങുവാനില്ലാത്ത കാറ്റുകള്‍
ഭിക്ഷാംദേഹി പുലമ്പുമത്രേ
എങ്ങും തങ്ങുവാനില്ലാത്ത കാറ്റുകള്‍
ഭിക്ഷാംദേഹി പുലമ്പുമത്രേ
പിച്ചപ്പാവമെന്നോതിക്കൊണ്ടമ്മതന്‍
ചിത്രമോരുത്തനെടുക്കുന്നു
പിച്ചപ്പാവമെന്നോതിക്കൊണ്ടമ്മതന്‍
ചിത്രമോരുത്തനെടുക്കുന്നു
ചുറ്റിനടക്കും പരദേശിക്കത്
കിട്ടും പണത്തിനു വില്‍ക്കുന്നു
വില്‍ക്കാശിട്ടവന്‍ ചൂതാട്ടത്തിന്
സത്രക്കൊവണി കേറുന്നു
വില്‍ക്കാശിട്ടവന്‍ ചൂതാട്ടത്തിന്
സത്രക്കൊവണി കേറുന്നു
വന്നും പോയുമിരിക്കുന്നോര്‍
ഒരു കണ്ണും കണ്ടു മടങ്ങുമ്പോള്‍
വന്നും പോയുമിരിക്കുന്നോര്‍
ഒരു കണ്ണും കണ്ടു മടങ്ങുമ്പോള്‍
കണ്ടോ പാവമോരമ്മയിതെന്നെ
കൌതുകം മക്കള്‍ക്ക്‌ കാട്ടുന്നു
കണ്ടോ പാവമോരമ്മയിതെന്നെ
കൌതുകം മക്കള്‍ക്ക്‌ കാട്ടുന്നു
അസ്തമയങ്ങള്‍ ഉദയങ്ങള്‍ എത്രയോ
കണ്ടവള്‍ കാണാതിരിക്കുന്നു
അസ്തമയങ്ങള്‍ ഉദയങ്ങള്‍ എത്രയോ
കണ്ടവള്‍ കാണാതിരിക്കുന്നു
കന്യക വാഴുന്നു കോവിലില്‍ അമ്മക്ക്
കണ്മണിയാണിവളെന്നാളും
കന്യക വാഴുന്നു കോവിലില്‍ അമ്മക്ക്
കണ്മണിയാണിവളെന്നാളും
മൂവേഴ് വട്ടം കടഞ്ഞ് കടലൊരു
മൂക്കുത്തി പണ്ടിവള്‍ക്കിട്ടു പോല്‍
മൂവേഴ് വട്ടം കടഞ്ഞ് കടലൊരു
മൂക്കുത്തി പണ്ടിവള്‍ക്കിട്ടു പോല്‍
മൂന്നു കടല്‍ താണ്ടി പായുന്ന വെട്ടം
ആമൂക്കുത്തിക്കുണ്ടായിരുന്നു പോല്‍
മൂന്നു കടല്‍ താണ്ടി പായുന്ന വെട്ടം
ആമൂക്കുത്തിക്കുണ്ടായിരുന്നു പോല്‍
ഏതു കടലിലും എതിരുട്ടില്‍പ്പോലും
ആ വെട്ടമുണ്ടായിരുന്നുപോല്‍
ഏതു കടലിലും എതിരുട്ടില്‍പ്പോലും
ആ വെട്ടമുണ്ടായിരുന്നുപോല്‍
ഏതോ രാത്രിയില്‍ കപ്പലില്‍ വന്നോര്‍ക്കാ
മൂക്കുത്തി ആരാരോ വിറ്റൂ പോല്‍
ഏതോ രാത്രിയില്‍ കപ്പലില്‍ വന്നോര്‍ക്കാ
മൂക്കുത്തി ആരാരോ വിറ്റൂ പോല്‍
ഏതോ രാത്രിയില്‍ കപ്പലില്‍ വന്നോര്‍ക്കാ
മൂക്കുത്തി ആരാരോ വിറ്റൂ പോല്‍
ഇന്നുമീയമ്മയിരിക്കുന്നു തീരത്ത്
മിന്നുന്ന മൂക്കുത്തി തേടീട്ടോ
ഇന്നുമീയമ്മയിരിക്കുന്നു തീരത്ത്
മിന്നുന്ന മൂക്കുത്തി തേടീട്ടോ
കന്യയെ ആരാന്‍ കവര്‍ന്നാലോയെന്ന
കത്തുന്ന പേടിയില്‍ നീറീട്ടോ
കന്യയെ ആരാന്‍ കവര്‍ന്നാലോയെന്ന
കത്തുന്ന പേടിയില്‍ നീറീട്ടോ
ഉണ്ണുന്നില്ല ഉറങ്ങുന്നില്ല
ഊരാകെ പകരുന്ന മായിയമ്മ
ഉരിയാടുന്നില്ല ഉറവുകാട്ടുന്നില്ല
ഉണ്മയറിയുന്നമായിയമ്മ
ഉരിയാടുന്നില്ല ഉറവുകാട്ടുന്നില്ല
ഉണ്മയറിയുന്നമായിയമ്മ
കടല്‍മുങ്ങി കാലം കറുത്ത് വെളുക്കുമ്പോള്‍
കരയിലിരിക്കുന്നു മായിയമ്മ
കടല്‍മുങ്ങി കാലം കറുത്ത് വെളുക്കുമ്പോള്‍
കരയിലിരിക്കുന്നു മായിയമ്മ
കടലുകള്‍ കാഞ്ഞു ചുവന്നു കറുക്കുമ്പോള്‍
കരകടല്‍ കവിയുന്നു മായിയമ്മ
0 comments:
Post a Comment